آيه هو النظام ممكن تقولوا
16 Aug 19 by member: ramymoamen
|
ممكن نعرف النظام ويعنى ايه وجبه واحده بس ...انت تقصد واحده في اليوم
18 Aug 19 by member: momoelbaz2000
|
ممكن اعرف النظام اللي حضرتك مشيت عليه
18 Aug 19 by member: melfarhti
|
ممكن بعد ازن حضرتك اعرف تفاصيل الدايت إللى كنت ماشى عليه بالظبط بعد ازن حضرتك
18 Aug 19 by member: Nahed abass
|
wowwww!!good luck:) thank u to share that diet plan :)
18 Aug 19 by member: batates777
|
18 Aug 19 by member: amirame
|
طبعا كل واحد و كمية زيادة الوزن و طبيعة جسمه بتفرق عن التاني ...
انا ببساطة ماشي علي نظام قارطاي بس منعت المسموحات القليلة زي البقوليات و الفول .. و بكنت باكل قد كف اليد مكسرات غير محمصة و غير مملحة و بحط عليها ملح بحري بكمية قليلة من عندي و بيض مقلي في السمنة البلدي و سلطة و ٥ زيتونات... و كنت بمشي بخطة قارطاي و هي الاكل بالتوازي من كل مكون
و الغداء كان نفس الحاجات تقريبا بس ما عداء البيض باكل بروتين حيواني حوالي نص فرخة لو لحمة ذات دهون عالية ...
اول اسبوع كنت بجوع بليل فاصبر نفسي بخياراية او طماطماية ...
بس كنت مانع تماما جميع البقوليات و المخبوزات حتي المصنوعة من المكسرات و جميع السكر الصناعي و طبعا مانع الفاكهة تماما
يعتي قارطاي بس مانع مسموحاته اللي ممنوعة في الكيتو الكلاسيكي
و ملتزم بشرب كمية كبيرة من المياة( بول ليس شفاف بل اصفر خفيف اللون ) مع تعويض الاملاح حتي لا ياتي اعراض نقص الاملاح
و اتمني اكون وضحت الطريقة بشكل جيد
18 Aug 19 by member: M.Ah
|
و كنت بستخدم البرنامج هنا عشان اتاكد اني باكل اكتر من ٨٠٠ كالوري و اقل من الكالوريز اللي جسمي محتاجها
18 Aug 19 by member: M.Ah
|
و ملتزم بخطة الصيام المتقطع في قارطاي يعني وحبتين فقط و بينهم ٥ او ٦ ساعات علي الاقل و اخر وجبة قبل ٨ بليل و كنت لما احس بالجوع اشرب مياة .. اول اسبوع اصعب اسبوع طبعا بعد كدا الدميا كانت اسهل
18 Aug 19 by member: M.Ah
|
و بالنسبة لليورك اسيد .. انصح اي واحد يتبع الانظمة دي انه يتاكد ان كيتونات الدم عنده مش زيادة عن ٣ و مش اقل من ١ .. لان الزيادة اظاهر ليها علاقة بصعوبة تعامل الجسم معاها و بالتالي الكلي بتخاول تتخلص من الكيتونات الزيادة و تسيب اليورك ده غالبا اللي عاملي مشكلة و ماشي علي ادوية اليورك و باذن الله اجيب جهاز الكيتونات و اقيس بشكل دوري
18 Aug 19 by member: M.Ah
|
انا مش عارفه اقلب التطبيق بالعربي هتجنن
18 Aug 19 by member: lamiaa abady
|
شكرا ليك على هذا الشرح. بس من الواضح انه مش سهل :)) ربنا معاك
19 Aug 19 by member: batates777
|
نصيحتي ليك فيما يخص اليورك اسيد
شرب عصير الكرفس
أو ملعقة صغيرة من بذور الكرفس ويتحط عليهم كوب ماء مغلي وتغطى جيدا وتتشرب بعد ربع ساعة
وكمان اكثر من عصير الليمون بدون سكر، ولن تجد أثر لليوريك أسيد ان شاء الله وعن تجربة
19 Aug 19 by member: Fathi.Mahdli
|
هو صعب اه بس الحمد لله بان جدا عليا بدون جوع غير قليلا و اغلب الوقت معدتش بفكر في الاكل .. ده غير طبعا لبس ملابسي اللي بقالي فترة كبيرة نش عارف البسها ... و حبيت انقل خلاصة التجربة حتي لا يقع الاخرين في نفس اخطائي .. و بالتوفيق للجميع
19 Aug 19 by member: M.Ah
|
شكرا فتحي علي النصيحة .. الاحساس باعراض ارتفاع اليوريك اسيد اول مرة تيجيلي لما عملت النظام ده .. و لما زودت في اكل اللحمة الحمرا و الموزة تحديدا
قللت جدا مصادر اليورك لفترة و بعدين هجيب جهاز الكيتونات لتزويد كمية الكارب حتي تحسين نسبة الكيتونات ... و طبعا بشرب مياة بليمون و منتظم علي الدوا و هشوف موضوع الكرفس
19 Aug 19 by member: M.Ah
|
انا باكل واجبه واحده فى اليوم هوصحى ولا غلط وهل حد جربها وأثرت عليه بعد فتره ولا لاء ارجو الرد بعد اذنكو
19 Aug 19 by member: elarabawe
|
هو ايه نظام قراطاي يا جماعه
انا من عشاق الفاكهه ماقدرشي امنعها
22 Aug 19 by member: walaa k sh
|
نظام قارطاي هو نظام منخفض الكاربهيدرات و مرتفع الدهون و لكنه اسهل من الكيتو حيث يسمح باللبن و ببعض البقوليات بكمية قليلة و ايصا قارطاي مناسب اكتر للحوامل و المرضعات حيث يوجد نظام قارطاي لهاتين الفئتين ... و ايصا النظام يعتمد علي الصيام المتقطع و علي اكل وجبتين فقط ..
22 Aug 19 by member: M.Ah
|
وجبة واحدة في اليوم كفاية بشرط اكل كميات كافية من الطعام يعني ما لا يقل عن ٨٠٠ كالوري عشان الجيم ميدخلش في مجاعة ..
22 Aug 19 by member: M.Ah
|
للاسف يا ولاء قارطاي يمنع الفاكهة باستثناءات بسيطة و لكنه يسمح بها للحوامل علي ما اظن .. دوري علي اليوتيوب علي فارطاي و هتلاقي فيديوهات بتشرح اكتر
22 Aug 19 by member: M.Ah
|