Eng.'Mohamed''s Journal, 11 October 2023

بالهنا 

الله يخليكي يا ام حبيبه النظام ده حلو علي فكرة بتفطر بدري اوي كويس وطول اليوم مساحة كبيرة للحرق ومش بكون جعان ولو جوعت باخد زبادي بس واخر اليوم وجبه لاستكمال باقي سعرات اليوم بس حاسس ان خسيت وظبط تاني لكن مش هوزن خالص دلوقتي  

النظام ده ميزودش الوزن أصله شبه صيام رمضان شوية فهل بتقدر تتحكم فى الوجبات بشكل يسير ولا الدنيا بتفلت لانى بفكر اجربه كام يوم بس  

حلو اوي يامودة بقالي اسبوعين عليه هقولك طبعا انا كنت زاد وزني بعد ماوصلت للمثالي من 4الي 6 كيلو لقيت ان النظام ده مناسب ليا افطري كويس خالص حسي بالشبع مثلا انا فطرت انهارده جبنة +طماطم+خياره 2بيضة 2فينو عادي مع ان مبحبوش كتير احيانا بلغيه خالص موزتين وعلبة زبادي قهوه والشاور والصلاة هتبتدي يومك فايق وكله تمام قضي يومك مش هتحس بأي جوع ولا تعب لانك كده اكلت كويس انا يومي مثلا 9 ساعات ورايح جاي ووقت اضافي بيكون فطرت مثلا 7 صباحا وببتدي اخد الوجبه التانيه علي اقرب وقت الساعه 7 مثلا بيكون الفرق 12 ساعه طبعا الصبح اكلت واتحركت واشتغلت الوجبة التانيه لو اخدتيها الساعه 7 وركزتي علي مكوناتها وبردو هتاكلي عادي مثلا سلطة خضار شوربة بروتين ممكن بلاش عيش ونقلل نشويات وممكن فاكهه وبقفل علي كده لتاني يوم الصبح طبعا من 7 مساءا الي 7 صباحا فرق 12ساعه تاني وهكذا بقه اهم حاجه فيه الوجبة التانيه لو ظبطيها يبقه يومك كله اتظبط يعني مثال انا بفطر كويس طول اليوم بحس ان شبعان باخد مشروبات بس بعد ما كنت زدت حاسس حاليا خسيت وده بيبان معايا من البنطلون عند الوسط كده مستوي البطن كويس وظبط انا مش بحس ان مجهد ولا تعبان زي الاول طول اليوم مبفكرش فالسناك ولا هاكل اي الضهر ولا البريك ولا الكلام ده مقضيها مشروبات ولو جوعت باخد زبادي طبيعي وخلاص بس فعلا حلو اوي خاصة اللي بيشتغل زي حالاتي ومش عاوز يفكر وقت الشغل هياكل ايه  

بالعكس أنا لما بعمل كده بحس انا باكل فى الوجبه كتير كده وبدبها عشان بكون جعانه قوى 

كوثر ممكن بتختلف من شخص للتاني زى انواع الدايت مش كل الناس بتعرف تمشي على نفس النظام 

لا يا كوثر ..افطري كويس باقي يومك كله مش هتحسي انك جعانه اصلا + اخر اليوم بين المغرب والعشاء متاكليش غير اكلات صحيه ومتاخديش بعدها اي حاجه انا ببقه صاحي الي مثلا 12 بالليل فبيكون فات من 5الي 6 ساعات وانا صاحي وبتحرك زودي عليهم 6 ساعات نوم مثلا بيبقه الجسم جاع تاني بقوم افطر وهكذا  

صح ياموده انا لقيت بس منشغل فالاكل وقت الضهر واحيانا الفطار بيتأخر فبقيت افطر كويس واتحرك وده اصلا كويس عشان معنديش وقت ومعايا مج بتاع الخروج دايما فيه مشروب سواء سخن او مياه او نوع سوايل بيكفيني طول اليوم  

ماشاء الله يابشمهندس دى حاجه كويسة جدا بس انا مشكلتى لو مروحتش الشغل وقعدت فى البيت حتى لو بذاكر بكون عايزا كل شوية اكل اى حاجه ودا عملى زيادة فظيعه طيب ممكن لوجعت مثلا اكل جبنه قريش ببيض فى النصف 

ممكن اعرف لو عايزه اضيف الفول ازاي و هو مش موجود خالص  

m.a.s.elsayed ربنا يخليكي وقت المذاكرة والتفكير بيجوع خلي دايما عندك تركيز علي هدفك يعني بردو افطري كويس وركزي في مذاكرتك ودايما خلي عندك خطط تحضري اكلاتك لو جوعتي اي وقت خدي حاجات سعرها قليلة انا التلاجه بقيت ارتب نفسي علي حاجات متبقاش الكالوري عاليه زي ماقولتي كده جبنة قريش كابوتشي خيار ممكن لو جعانه اوي تاخدي بيضه مسلوقة انا محضر عندي للفطار عشان مفطرش بره شوفان وجبن وخضروات وفاكهه بس انا لما افطر كويس بقيت اعرف اركز باقي اليوم بيكون جنبي بس دايما المج بتاعي حجمه 300 مل باخد الصبح نسكافيه وبعدها ممكن اي مشروبات واحيانا مياه بس دايما خليكي عندك خطط لأكلك عشان التفكير وقت الجوع ممكن يخليكي تلخبطي جامد. انا قررت من بالليل انهارده ان فطاري بكره شوفان باللبن والموز وهاخد قهوه ساده عشان لما اصحي مبقاش محتار 

بوسي للأسف الداتا بتاعت العربي اتمسحت من البرنامج انا بنزل اكلاتي بالانجلش اعملي بحث عن beans